CAPROTINAM Junonem


CAPROTINAM Junonem
CAPROTINAM Junonem
et Nonas Iulias Caprotinas veteres dixêre, quod Romae nonis Caprotinis sub Caprificio sacra fierent. Nam post urbem captam, cum sedatus esset Gallicus tumultus, exhaustâ Republ. finitimi opportunitatem invadendi Romani imperii nacti, praefecerunt sibi Postliminium Livium Fidenatum Dictatorem, qui foeciali ad Senatum missô postulavit, ut si vellent reliquias suae urbis non deleri, matresfamiliâs et virgines omnes sibi dederentur. Et cum Patrum hâc de re esset anceps deliberatio: ancilla nomine Philotis, assumptis ceteris omnibus ancillis, matrumfamilias, virginumque habitu assumptô, nomine Dominarum ad hostes transiit, persequentibus ceteris ad rei fidem. Quae cum a Livio in castris distributae essent, hostes plurimô vinô provocâtunt, diem festum apud se esse simulantes: quibus somnô obrutis ex Caprifico signo dato hostes trucidati sunt. Itaque memor Populus Romanus accepti ab ancillis beneficii, omnes iussit manumitti, dotemque iis ex publico assignavit, diemque ipsam Nonas Caprotinas appellavit; et sacra annua Iunoni Caprotinae sub Caprifico instituit, adhibitô lacte ad rei memoriam.

Hofmann J. Lexicon universale. 1698.


Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.